മുഖംമൂടികൾക്കപ്പുറം [മനോഹരൻ മംഗളോദയം]

"നിങ്ങൾക്ക് ആ Catherine നെ നേരത്തെ അറിയാമായിരുന്നോ?"

രാജേഷ് അത്ഭുതത്തോടെ അവളെ നോക്കി.

"ഇല്ല."

"പിന്നെ എന്താ?"

അഞ്ജലി കുറച്ചു നേരം ഒന്നും പറഞ്ഞില്ല.

പിന്നെ വളരെ പതിയെ ചോദിച്ചു.

"എന്നെ അവിടെ ഒറ്റയ്ക്കാക്കി വിട്ടിട്ട്... നിങ്ങൾ അവളുടെ കൂടെ പോയി നിൽക്കുന്നത് ഞാൻ കണ്ടു."

രാജേഷ് മിണ്ടാതെ നിന്നു.

അവൾ അവന്റെ മുഖത്തേക്ക് നോക്കിയില്ല.

"നിങ്ങൾ രണ്ടുപേരും നിങ്ങളുടേതായ ഒരു ലോകത്തായിരുന്നു."

ഒരു നിമിഷം അവളുടെ മനസ്സിലൂടെ മറ്റൊരു ചിന്തയും കടന്നുപോയി.

ആ രാത്രി തന്റെ ജീവിതത്തിലും ചില കാര്യങ്ങൾ സംഭവിച്ചിരുന്നു.

പക്ഷേ...

രാജേഷേട്ടന് അതൊന്നും അറിയില്ല.

അവൻ കണ്ടില്ല.

ആ തിരിച്ചറിവ് അവളുടെ ഉള്ളിൽ ഒരു വിചിത്രമായ ധൈര്യവും ഒരു ചെറിയ കുറ്റബോധവും ഒരുമിച്ച് ഉണ്ടാക്കി.

രാജേഷ് പതിയെ ചോദിച്ചു.

"നിനക്ക് വിഷമമായോ?"

അഞ്ജലി ഉടനെ മറുപടി പറഞ്ഞില്ല.

പിന്നെ ചെറുതായി തലകുലുക്കി.

"ആയി..."

"എന്തിന്?"

അവൾ ഒരു ദീർഘശ്വാസം വിട്ടു.

"എന്തിന് എന്ന് നിങ്ങൾക്കറിയില്ലേ...."

"നിങ്ങൾ അവിടെ എന്താ ചെയ്തത് എന്ന് ഞാൻ പറയണ്ടല്ലോ..."

"ആ സമയം നിങ്ങൾ എന്നെ അത് ക്ലബിൽ തനിച്ചാക്കി അവളുടെ പുറകെ പോയി...."

രാജേഷ് ഒന്നും പറഞ്ഞില്ല.

അവന് ആദ്യമായി മനസ്സിലാകുകയായിരുന്നു, ആ രാത്രിയെ അവൻ കണ്ടതുപോലെ അല്ല അഞ്ജലി അനുഭവിച്ചതെന്ന്.

അവൾ പറഞ്ഞത് തെറ്റല്ലെന്ന് അവന് തോന്നി.

"അഞ്ജലി..."

അവൻ പതിയെ വിളിച്ചു.

"നീ കണ്ടതൊക്കെ കണ്ടപ്പോൾ നിനക്ക് അങ്ങനെ തോന്നിയെങ്കിൽ... അതിൽ ഞാൻ നിന്നെ കുറ്റം പറയില്ല."

അഞ്ജലി മിണ്ടാതെ നിന്നു.

"അത് ഒരു വേറിട്ട ലോകമാണ്."

"ഇന്നലെ ഞാൻ പറഞ്ഞില്ലേ ആ നിമിഷത്തെ ഒരു ലഹരി."

"പക്ഷേ..."

അവൻ ഒന്ന് നിർത്തി.

"അതിന്റെ ഇടയിൽ നീ ഒറ്റയ്ക്കാണെന്ന് ഞാൻ മറന്നുപോയി."

ആ വാക്ക് കേട്ടപ്പോൾ അഞ്ജലി ആദ്യമായി അവന്റെ മുഖത്തേക്ക് നോക്കി.

"അതാ എനിക്ക് കൂടുതൽ വിഷമമായത്..."

"പക്ഷെ അഞ്ജലി അവിടെ ആരും നിന്നോട് മോശമായി ഒന്നും പെരുമാറില്ല എന്ന് എനിക്ക് ഉറപ്പുണ്ട് അതാണ് അവിടുത്തെ രീതി..."

"എന്നാലും..."

"എൻ്റെ തെറ്റ് തന്നെ ആണ്.... സോറി....'

അൽപ സമയത്തെ നിശബ്ദതയ്ക്ക് ശേഷം അവൾ അഞ്ജലി വീണ്ടും സംസാരിച്ചു...

"ഇന്ന് ഒരാൾ എന്നോട് വന്ന് സംസാരിച്ചു."

"ആര്?"

"John."

"അവൻ പറഞ്ഞു... Catherine അവന്റെ ഗേൾഫ്രണ്ട് ആണെന്ന്...."

രാജേഷ് ശ്രദ്ധയോടെ കേട്ടു.

"പിന്നെ അവൻ ഒരു കാര്യം കൂടി പറഞ്ഞു."

"എന്താ?"

"She is a bitch...."

അഞ്ജലി പതിയെ പറഞ്ഞു.

അവളുടെ മുന്നിൽ നിങൾ തോറ്റുപോകുമെന്ന്....

രാജേഷ് അറിയാതെ ഒന്ന് ചിരിച്ചു.

ആ ചിരി കണ്ടപ്പോൾ അഞ്ജലിക്ക് വീണ്ടും ഒരു ചെറിയ അസ്വസ്ഥത തോന്നി.

"ഞാൻ വെറുതെ പറഞ്ഞതല്ല."

അവൾ വളരെ ശാന്തമായി പറഞ്ഞു.

"എനിക്ക്... എന്തോ അങ്ങനെയാണ് തോന്നിയത്."