മധുനുകരുന്ന മനോഹരരാവ് 1 [സ്പൾബർ]

ഉറങ്ങിയിട്ടില്ല… അതറിയോ ഏട്ടത്തിക്ക്…?”..

ഞെട്ടലോടെയാണ് സരിതയത് കേട്ടത്..തന്റെ മനസിന്റെ വിങ്ങൽ അവനോടൊന്ന് തുറന്ന് പറഞ്ഞാൽ തനിക്കൊരു സമാധാനം കിട്ടുമെന്ന് കരുതിയാണ് പറഞ്ഞത്.. കേൾക്കുന്നവന്റെ മാനസികാവസ്ഥ താൻ ചിന്തിച്ചില്ല..

.”എന്ത് പറ്റി അനന്തൂട്ടാ… ?..

എന്തേ ഉറങ്ങാഞ്ഞത്…?”..

അതീവ സ്നേഹത്തോടെ സരിത ചോദിച്ചു..

“ ഞാൻ ഏട്ടത്തിയെയാണ് കല്യാണം കഴിക്കാൻ ആഗ്രഹിച്ചത്.. ഒറ്റക്കാഴ്ചയിൽ തന്നെ എനിക്കിഷ്ടമായി..നാല് വർഷം ഞാൻ ഏട്ടത്തിയെ മനസിലിട്ട് സ്നേഹിച്ചു…

ഇങ്ങിനെയൊക്കെ ഞാൻ ഏട്ടത്തിയോട് പറഞ്ഞാൽ ഏട്ടത്തിക്കുറങ്ങാൻ കഴിയോ…?”..

ആ ചോദ്യത്തിന് മുന്നിൽ സരിതയൊന്ന് പകച്ചു..

“ ഞാനിനി എന്ത് ചെയ്യണം ഏട്ടത്തീ… ?..

അതും കൂടി ഏട്ടത്തി പറഞ്ഞ് താ…”..

“അനന്തൂട്ടാ… ഞാൻ… ഞാനെന്താടാ പറയാ…?”..

“ പറയണം… ഏട്ടത്തി തന്നെ പറയണം… ഇതിനൊരു പരിഹാരം ഏട്ടത്തി ഉണ്ടാക്കണം… ഇന്നും ഞാനുറങ്ങില്ല… ഇനിയെന്നും ഉറങ്ങാനാവുമെന്നും തോന്നുന്നില്ല…”..

സരിതക്ക് അപകടം മണത്തു.. താനത് നിസാരമായി പറഞ്ഞങ്ങ് പോന്നെങ്കിലും കേട്ടവന് അത്ര നിസാരമായി തോന്നിയിട്ടില്ല..

“ ഞാനെന്താടാ അനന്തൂ ചെയ്യേണ്ടത്……?”..

“എനിക്കറിയില്ല ഏട്ടത്തീ… വേണ്ടാത്തൊരു സംസാരമോ,നോട്ടമോ എന്നിൽ നിന്നുണ്ടായിട്ടില്ലെന്ന് ഏട്ടത്തിക്കറിയാലോ… ?..

ഏട്ടത്തിയമ്മയായിട്ട് തന്നെയാണ് ഞാൻ കണ്ടത്… പക്ഷേ…”..

“പക്ഷേ… ?”..

പേടിയോടെയാണ് സരിത ചോദിച്ചത്..

“ഇനിയെനിക്ക് ഏട്ടത്തിയമ്മയായി കാണാൻ കഴിയില്ല…”.

“പിന്നെ…?”..

“ അത് ഏട്ടത്തി പറഞ്ഞാ മതി… ഏട്ടത്തിയമ്മയായി കാണണം എന്ന് മാത്രം പറയരുത്… “..

താൻ പെട്ടൊരു പെടലോർത്ത് സരിത നടുങ്ങിപ്പോയി..തന്റെ മനസ് തുറന്നപ്പോ ശാന്തനായി കേട്ടിരുന്ന അനന്തു ഇങ്ങിനെ പറയുമെന്ന് അവൾ വിചാരിച്ചതേയല്ല..പറഞ്ഞ് തീർത്തപ്പോ താനത് വിട്ടത് പോലെ അവനും വിടുമെന്നാണ് കരുതിയത്.. ഇതിപ്പോ കുരുവായിത്തീർന്നോന്ന് സരിതക്ക് ഭയമായി..

“പിന്നെ… ആരായിക്കാണാനാ…

അനന്തൂനിഷ്ടം…?”..

നശിപ്പിച്ച്… അത് ചോദിക്കാനാണോ താൻ വാ പൊളിച്ചത്..?. ഭർത്താവിന്റെ അനിയനെ നന്നായൊന്ന് ഉപദേശിക്കാനല്ലേ താനൊരുമ്പെട്ടത്..?.

എന്നിട്ടെന്തിനാണ് കൊഞ്ചിക്കൊണ്ട് ആ ചോദ്യം ചോദിച്ചത്..?..

“ അത് ഏട്ടത്തി തീരുമാനിച്ചാ മതി… കാമുകിയായിട്ടോ, ഭാര്യയായിട്ടോ എങ്ങിനെ വേണമെന്ന് തീരുമാനിച്ചതിന് ശേഷം ഏട്ടത്തി എനിക്ക് മെസേജയച്ചാ മതി… ഞാൻ ഓഫീസിലേക്ക് കയറുകയാണ്.. ഇനി ലഞ്ച്ടൈമിലേ ഞാൻ ഫോൺ നോക്കൂ… “..

അത്രയും പറഞ്ഞ് അനന്തു ഫോൺ കട്ടാക്കി.. വിരലുകൾക്ക് ബലം നഷ്ടപ്പെട്ട് സരിതയുടെ കയ്യിൽ നിന്നും മൊബൈൽ കിടക്കയിലേക്ക് വീണു.. കേട്ടത് വിശ്വസിക്കാവാനാതെ അവൾ സീലിങ്ങിലേക്ക് തുറിച്ച് നോക്കി ബെഡിൽ മലർന്ന് കിടന്നു.. അനന്തുവിന്റെ വാക്കുകൾ അവളിലുണ്ടാക്കിയ മാറ്റം ചെറുതല്ല..അത് ഭയമായിരുന്നില്ല.. ദേഷ്യമായിരുന്നില്ല.. നിരാശയായിരുന്നില്ല..

സങ്കടമായിരുന്നില്ല..സന്തോഷം.. ഹൃദയം വിങ്ങുന്ന സന്തോഷം.. ദേഹമാസകലം ഇക്കിളിപ്പൂക്കൾ വിരിയുന്ന സന്തോഷം.. മാരിവില്ല് കണ്ട മയിലിന്റെ സന്തോഷം.. പൂമൊട്ട് കണ്ട പൂമ്പാറ്റയുടെ സന്തോഷം..

കാമുകിയായിട്ടാണോ, ഭാര്യയായിട്ടാണോ അവൻ തന്നെ കാണേണ്ടതെന്ന് തീരുമാനിച്ച് താനവന് മെസേജയക്കണമെന്ന്.. നാല് വർഷം മനസിൽ കൊണ്ട് നടന്നവനാണ് പറയുന്നത്.. ഇതിൽപരം സന്തോഷം വേറെന്തുണ്ട്..?.

പക്ഷേ..അത് വേണ്ട.. അങ്ങിനെ സംഭവിക്കാൻ പാടില്ല.. താനും ഏട്ടനും നല്ല സ്നേഹത്തിൽ തന്നെയാണ് ജീവിക്കുന്നത്..അനന്തുവും മീനുവും അതിലേറെ സന്തോഷത്തിലാണ് ജീവിതം..അതിനിടയിൽ കയറി എല്ലാവരുടേയും സന്തോഷം ഇല്ലാതാക്കുന്നത് ശരിയല്ല..ഇതെങ്ങാനും പുറത്തറിഞ്ഞാൽ എല്ലാവരുടെ ജീവിതവും തകരും.. ഒരു തെറ്റും ചെയ്യാത്ത ജയേട്ടനും മീനുവും ബലിയാടുകളാവും.. വേണ്ട..അത് ശരിയാവില്ല..

സരിത മനസിലുറപ്പിച്ച് കുറച്ച്