മിഴി 9 [രാമന്‍] [Climax]

കവിളിൽ മെല്ലെ ചുണ്ടു ചേർത്തെടുത്തു. നേർത്ത പൊട്ടിയ മിന്നൽ പോലെ നാണം അമ്മയുടെ മുന്നിൽ വെച്ചു തന്നെ ഞാന്‍ ചെയ്തപ്പോ  ചെറിയമ്മക്ക് വന്നിട്ടുണ്ട്. കാന്തം പോലുള്ള  കണ്ണുകളുടെ ശക്തി!!അമ്മോ.... എനിക്കും അമ്മയ്ക്കും നല്ലപോലെ കാണാം.അങ്ങട്ടും ഇങ്ങട്ടും അടിച്ചു പാടാക്കിയ രണ്ടു പേരുടെയും കവിൾ ഞാൻ അവിടെ കിടന്നു കൊണ്ട് തലോടി.വിഷമമെല്ലാം വിട്ടവർ ഉള്ള് തുറന്നു ചിരിച്ചു. "വിശക്കുന്നുണ്ട്..." അമ്മയുടെ വയറിൽ ചുറ്റിപിടിച്ചു കിടക്കുന്ന ഇള്ളക്കുട്ടി ചെറിയമ്മ തുടങ്ങി. എവിടന്നാണ് ഇത്ര വിശപ്പ് പൊട്ടി വരുന്നതെന്ന് മനസ്സിലാവുന്നില്ല? എനിക്ക് പിന്നെ വിശപ്പില്ലാഞ്ഞിട്ടല്ല. ചില നേരത്തങ്ങനെ ന്തേലും വേണമെന്ന് പറഞ്ഞ പോയിണ്ടാക്കിക്കഴിച്ചോന്നു കേൾക്കേണ്ടി വരും. മടിയാണ്!! എന്തായാലും തെറ്റൽ മാറിയപ്പോ ഒരുപകാരമുണ്ടായി. എന്നെയിനി ആരും തിരിഞ്ഞു നോക്കില്ലെന്ന് ഉറപ്പായി.പഴയതു പോലെ ഒട്ടിയ ചേച്ചിയും അനിയത്തിയും കെട്ടിപ്പിടിച്ചു നടക്കൽ തുടങ്ങി.റൂമിൽ നിന്ന് ഡൈനിങ് റൂമിൽ വരെ പോവണേല്‍ കെട്ടിപ്പിടിക്കണമവര്‍ക്ക്. പാറിയ ചെറിയമ്മയുടെ മുടിയമ്മ കെട്ടി കൊടുക്കുന്നു, കണ്ണ് തുടച്ചു കൊടുക്കുന്നു. ചോറുമാത്രമുണ്ടാക്കി വെച്ച അമ്മയവൾക്ക് വേണ്ടി രണ്ടു മുട്ട വരെ പൊരിച്ചു. പിന്നെയോ അടുത്തിരിക്കുന്നു പാത്രം വെച്ചു കൊടുക്കുന്നു, ചോറ്, മുട്ട പൊരിച്ചത്,ഉണക്ക മുളക് ചുട്ടരച്ച ചമ്മന്തി, അച്ചാർ, ഉപ്പിലിട്ട മാങ്ങ, വേണേൽ എടുക്കാൻ വേണ്ടി കാന്താരി മുളകും, തൈരും.എന്താവേശാ അവള്‍ക്ക് കഴിക്കാൻ. കഴിപ്പിക്കാൻ അമ്മയുമുണ്ടല്ലോ!! തൈരിൽ കാന്താരി മുളക് ഞെരടി,ചോറും കൂട്ടി ഞാന്‍ തട്ടി. കാന്താരിയുടെ എരിവും തൈരിന്‍റെ പുളിയും. അതിനെ ബാലൻസ് ചെയ്യാൻ നിൽക്കുന്ന ഉപ്പും ഹരം പിടിച്ചൊരു രുചിയാണ്. ചെറിയമ്മയുടെ പാത്രത്തിൽ  കയ്യിട്ട് മുട്ടപൊരിച്ചത് കട്ടു തിന്നതിന് ദഹിപ്പിക്കുന്ന നോട്ടവും കിട്ടി.ഞാൻ കഴിക്കാറില്ല.അതോണ്ടമ്മ തരാറുമില്ല.എന്നാലും ഇടക്കറിയാതെ ആരേലും തിന്നുന്നത് കാണുമ്പോ കയ്യിട്ടുപ്പോവും. രുചി നോക്കാൻ! ഭക്ഷണം കഴിച്ചു കഴിഞ്ഞ് ഹാളിലേക്ക് വന്നയെന്നെ ചെറിയമ്മ ഓടി വന്നു മുറുക്കി കെട്ടിപ്പിടിച്ചു.കുറേ നേരം അങ്ങനെ നിന്നു. സന്തോഷം കൊണ്ടാവണം!പിന്നെ അമ്മ വന്നപ്പോ എന്നെ കണ്ണിറുക്കി കാട്ടി അമ്മയുടെ കൂടെ റൂമിലേക്ക് പോയി. അച്ഛന്‍റെ കാൾ വന്നിരുന്നു.വൈകിട്ട് എത്തുമ്പോ ഒന്ന് കൂട്ടാൻ ചെല്ലാൻ പറഞ്ഞു. അമ്മയുടെയെയും ചെറിയമ്മയുടെയും വിശേഷം ചോദിച്ചപ്പോ അവർക്കൊരു കുഴപ്പവുമില്ലാന്ന് എവിടെയും തൊടാതെ പറഞ്ഞു വെച്ചു. വിളിക്കാമെന്ന് പറഞ്ഞു അങ്ങേരും ഫോൺ വെച്ചു. ഒച്ചയും അനക്കമൊന്നുമില്ല.. അമ്മയുടെ കൂടെ എങ്ങോട്ട് പോയോ ആവോ? അമ്മയുടെ റൂമിൽ,ബെഡിൽ രണ്ടും കൂടെ കെട്ടിപ്പിടിച്ചു ഉറങ്ങുന്നത് കണ്ടപ്പോ,പറയാൻ പറ്റാത്ത സന്തോഷം തോന്നി. ചെറുപ്പം മുതലേ ഇവരിങ്ങനെയാണ്.കാണുന്നവർക്ക് അസൂയ തോന്നുന്ന വിധം നല്ല സ്നേഹാ രണ്ടിനും.ചില സ്ഥലത്തൊക്കെ പോവുമ്പോ,ഇവരുടെ ഈ സ്നേഹവും കളിയുമൊക്കെ നോക്കി നിക്കുന്ന ആളുകളെ കണ്ടിട്ടുണ്ട്. ചേച്ചിയും അനിയത്തിയുമാണെന്ന് അറിയുമ്പോ വിശ്വാസം വരാതെ സംശയത്തോടെ നിന്നതും കണ്ടിട്ടുണ്ട്. കേറിച്ചെന്നാ നടക്കുകിടന്ന് രണ്ടിന്‍റേയും ഉറക്കം കെടുത്തണം എന്നൊക്കെ മനസ്സിൽ തോന്നുന്നുണ്ട്. വേണ്ട കിടന്നോട്ടെ. കുറേ ദിവസായില്ലേ!!!   ഞാൻ എന്‍റെ റൂമിലേക്ക് വന്നു.എന്നോ തുടങ്ങി വെച്ച കഥയിലേക്ക് രണ്ടു വരികൂടി ചേർക്കാൻ നോക്കി.കിണ്ടി എന്തൊക്കെയാന്ന് എഴുതി കൂട്ടുന്നതെന്ന് ഇടക്ക് തോന്നും. ഇങ്ങനെയീ കഥ എഴുതിപ്പോയാൽ ചെറിയമ്മയോ അമ്മയോ കണ്ടാൽ. കമ്പി കഥക്കാരനെന്ന പ്രശസ്തി എന്‍റെ തലയിൽ വെച്ച് കെട്ടും.! ഈ ഐഡിയ ആണേൽ തലയിൽ