മഴ [സിമോണ]

ethu group alla ethinu വാട്സാപ്പ് ഗ്രൂപ്പ്‌ ella. eni undavukayul ella

ഞങ്ങക്ക് ഈ ഉരുക്കു വൈദ്യർ വാങ്ങിതന്നെക്കുന്നെ നോക്കിയയുടെ 5510 മൊബൈലാ.. അതിൽ ആകെ പാമ്പ് ആപ്പിള് വിഴുങ്ങുന്ന കളി മാത്രേ കിട്ടു... പാട്ടുകേക്കാൻ ഒരു എഫ് എം പോലുമില്ല... പിന്നാണോ വാട്ട്സ്ആപ്പ്??

താങ്ക്സ് വിവിൻ... അതൊരുപക്ഷേ മനസ്സിൽ വരുന്നതിനെ വ്യാകരണഭംഗി വരുത്താതെ അപ്പാടെ പകർത്തുന്നകാരണം ആവും... ഒരല്പം സർറിയലിസ്ടിക്... താങ്ക്സ് എ ലോട്ട് ഡിയർ... പഴയ വിപിൻ ആണോ ഈ വിവിൻ??? ഭാഷ അതുപോലെ... സസ്നേഹം സിമോണ.

താങ്ക് യൂ

എന്റെ കുഞ്ഞിഷ്ണേട്ടാ... ഓണായിട്ട് എന്താ പരിപാടി??? പാട്ടും മേളവും ഒന്നൂല്ല്യേ?? അങ്ങനെ വരാൻ വഴിയില്ലല്ലോ.... കുഞ്ഞികൃഷ്ണപൊതുവാളിന് മേളമില്ലാത്ത കാലത്ത് ഓണം ഭൂമിയിൽ നിന്ന് പോയിക്കാണുമല്ലോ.. സുഖമല്ലേ... ജയിൽ കഥ അങ്ങനെ പാതിയായി... നല്ലമ്പോണം എഴുതിവരുന്ന പല ജീവിതങ്ങളും വഴിയിൽ നിന്ന് പോവുന്നുണ്ട്... അല്ലേലും ജീവിതത്തേക്കാൾ ആളുകൾക്ക് ഫാന്റസി സിനിമകളും കഥകളും അല്ലെ ഇഷ്ടം.. റിയാലിറ്റി പലപ്പോഴും ഫാന്റസി പോലെ ഓർക്കാൻ സുഖമുള്ളതല്ല...... അതാവും ല്ലേ... കുഞ്ഞിഷ്ണേട്ടന് സ്നേഹപൂർവ്വം നന്മകളും സന്തോഷവും നിറഞ്ഞ ഓണാശംസകളോടെ സ്വന്തം സിമോണ.

തൂലിക... കഥകളുടെ വാളുകളിൽ പലയിടത്തും ഞാൻ കണ്ടിട്ടുണ്ട്‌... ഈ പേര്.. ആ കമന്റകൊണ്ട് ആകര്ഷണീയമാക്കപ്പെടാനുള്ള അവസരം ഈ കഥയ്ക്കാണ് കിട്ടിയത്... ഒത്തിരി ഒത്തിരി സന്തോഷം... കാരണം താങ്കളുടെ കമന്റുകൾ മുൻപ് കണ്ടിരുന്നതെല്ലാം അത്രക്ക് മനോഹരമായ കഥകളിലായിരുന്നു.. അതുകൊണ്ടുതന്നെ ഈ വാക്കുകൾക്ക് ഇരട്ടിമധുരം... സ്നേഹത്തോടെ പ്രിയ സുഹൃത്ത് സിമോണ.

പ്രിയ സഞ്ചുട്ടി... മനസ്സ് നിറയ്ക്കുന്ന നല്ല വാക്കുകൾക്ക് ഒരുപാട് നന്ദി... ജീവിതം സന്തോഷം നിറഞ്ഞതാവട്ടെ... എല്ലാ ആശംസകളും... സ്നേഹപൂർവ്വം സിമോണ.

താങ്ക്സ് എ ലോട്ട് ശ്രീനി... പക്ഷെ ഇത്..... ശ്രീനിയെ തൃപ്തിപ്പെടുത്തുമൊന്ന് എനിക്കറിയില്ല... ഏറ്റവും താഴെ ഞാനെഴുതിയ, ഈ കഥയുടെ സാഹചര്യത്തെക്കുറിച്ചുള്ള കമന്റ് വായിച്ചിട്ട് കഥ വായിച്ചാൽ.... അപ്പൊ ഈ കഥയെപ്പറ്റി ഒരല്പം കൂടുതൽ പിടികിട്ടും.... എന്നിട്ടു കഥയിലേക്ക് കടന്നാൽ പോരെ... ശ്രീനിയെ നിരാശനാക്കേണ്ടി വരരുതല്ലോ ന്നുള്ള ആഗ്രഹംകൊണ്ടാണ്.... അല്ലെങ്കി പിന്നെ റിസ്കെടുത്തോ ട്ടാ..

ഞാനൊന്ന് കിടന്നുറങ്ങട്ടെ... കണ്ണ് രണ്ടും അപ്പനെ തുമ്മിക്കുന്നു... നിനക്കുള്ള മറുപടി... ബോഡിഗാഡിൽ തരാം..... (കള്ള ബടുക്കൂസ്)

തിരക്ക്.... അങ്ങനെ പറഞ്ഞൂടാ ഇച്ചായാ... തിരക്കല്ല യഥാർത്ഥത്തിൽ... ഞാൻ പറഞ്ഞല്ലോ... ഏറ്റെടുത്തിരിക്കുന്ന കമ്മിറ്റ്മെന്റ് അല്പം പ്രയാസമുള്ളതാണ്.. അതുകൊണ്ടുതന്നെ എന്നെ ഏൽപ്പിച്ചവരോടുള്ള, ഏൽപ്പിച്ചവർക്കുള്ള പരസ്പര വിശ്വാസം... അതിൽ കള്ളത്തരം കാണിക്കാൻ വയ്യ...... അല്ലെങ്കിൽ സമയമുണ്ടാക്കാൻ എനിക്ക് അത്രയ്ക്ക് പാടൊന്നുമില്ല.. പക്ഷെ... ഇതൊന്നു കഴിഞ്ഞോട്ടെ ന്നു വിചാരിച്ചു... അതാണ് നല്ലതും... പിന്നെ മുഖ്യധാരാ ന്നു പറഞ്ഞേ, കുറെ കഥ എഴുതാനാണോ ഇവിടെ?? ഇപ്പൊ തന്നെ ഞാൻ നോക്ക്യേപ്പോ പത്തു നാൽപ്പത് കഥയായി ലിസ്റ്റിൽ... ഡിലീറ്റ് ചെയ്യിച്ചത് കുറെ വേറേം കാണണം.. ഇനി ഇതിൽക്കൂടുതൽ ഇവിടെ എഴുതാൻ പറയല്ലേ എന്റെ ഇച്ചായാ... സ്നേഹത്തോടെ സ്വന്തം പരുന്തുംകുട്ടി സിമോണ.

ഫഹദു..... നീ എന്റെ മുത്തല്ലേ.... പക്ഷെ കാലിൽ തൊട്ടു നന്ദി പറയരുത്.. വേറൊന്നും കൊണ്ടല്ല.. ചെയുന്നത് നീയായ കാരണം എനിക്കുറപ്പാണ്.. തരം കിട്ടിയാൽ നീ കാലീ വാരി നിലത്തടിക്കും.. കള്ള കംസാ... മനുഷ്യനെക്കൊണ്ട് രണ്ടുമൂന്നു ദിവസം തീ തീറ്റിച്ചു നീ... ആകെ വിഷമമായിപ്പോയി അന്ന്... അതിന്റെ കലിപ്പ് മുഴുവനാണ് കഥയിൽ എഴുതി തീർത്തത്.... നിനക്കിഷ്ടപ്പെട്ടല്ലോ.... അത് മതി... ഇപ്പൊ സന്തോഷായി ട്ടാ..... സ്നേഹപൂർവം സ്വന്തം സിമോണ.

താങ്ക്സ് എ ലോട്ട് ഇച്ചായാ.... ഫഹദുട്ടൻ നമ്മടെ ബോഡിഗാഡല്ലേ... ചെക്കനെ ഇനി ഉഷാറാക്കി എടുക്കണം... എന്നാലേ ഇന്ദിരാഗാന്ധീടേം രാഹുൽകുഞ്ഞിൻറേം കഥയുടെ ബാക്കി കിട്ടൂ...

?

പ്രിയ മാഡ് മാഡിക്ക്.... (ലാലേട്ടാ...) മഞ്ഞെന്ന മഹാകാവ്യം... (അതിനെ അങ്ങനെ വിളിക്കാനാ എന്നും ഇഷ്ടം..) വായിക്കാൻ ഒരു കാരണമായത്.... അത് ആരാണെങ്കിലും (ഞാൻ ആൾറെഡി രണ്ടു ഡിഗ്രി പൊങ്ങിയാ നടക്കണേ സത്യായിട്ടും) ഭാഗ്യം ചെയ്തവളാണ്... (എനിക്കും നല്ലോണം ഭാഗ്യണ്ട് ട്ടാ) എല്ലാരും കാത്തിരിക്കുന്നവരാണ്... ഏറ്റവും സത്യമായ വാചകം... ഒരുപക്ഷെ പ്രണയത്തിന്റെ തലത്തിൽ നിന്ന് ഒട്ടൊന്ന് മാറിചിന്തിച്ചാൽ, എല്ലാ വ്യക്തികളും.... മുലപ്പാലിന്റെ മാധുര്യം കാത്തു കിടക്കുന്ന കുഞ്ഞു മുതൽ മരണം കാത്തുകിടക്കുന്ന പ്രായമായവർ വരെ... കാത്തിരിക്കാനുള്ള വിധി എല്ലാർക്കുമുള്ളതാണ്... ഓരോ നിമിഷവും അടുത്ത നിമിഷത്തിനായി ആകാംക്ഷയോടെ കാത്തിരിക്കുന്നു... ഓരോ ഇന്നലെകളും നാളെകളെയും... ഓരോ ജനനവും മരണത്തെയും.... ഓരോ മരണവും, ഒരുപക്ഷെ വീണ്ടുമൊരു ജനനത്തെയും... പക്ഷെ അതില്നിന്നെല്ലാം വ്യത്യസ്തമാണ് പ്രണയത്തിന്റെ കാത്തിരിപ്പ്.. അല്ലെ... മറ്റെല്ലായിടത്തോടും (ഒരു പരിധിവരെ പ്രണയത്തിലും) കാത്തിരിപ്പ് പലപ്പോഴും ലാലേട്ടൻ പറഞ്ഞതുപോലെ അസഹ്യതയിലേക്കും പതിയെ മടുപ്പിലേക്കും വഴിമാറുമ്പോൾ... പ്രണയത്തിന്റെ കാത്തിരിപ്പിന്... അതിന്റെ അസഹ്യതക്ക്.... വിരഹത്തിന്റെ കാഠിന്യത്തിന്.. രഹസ്യമായി... വല്ലാത്തൊരു മധുരമുണ്ട്... ഓർമ്മകളുടെ, പ്രതീക്ഷകളുടെ, ജീവിക്കാൻ വീണ്ടും വീണ്ടും പ്രേരിപ്പിക്കുന്ന, അതി സുഖകരമായ മധുരം.. അവിടെയാണ് വിമലടീച്ചർ കടന്നുവരുന്നത്.... ഒരുപക്ഷെ വെറുമൊരു കാത്തിരിപ്പിനുമപ്പുറം, "ഹോപ്പ്..." എന്ന വാക്കിന്റെ യഥാർത്ഥ അർഥം എനിക്ക് മനസ്സിലാക്കിത്തന്ന മഹാകാവ്യം തന്നെയാണ് മഞ്ഞ്... ഇന്നും എന്നും എനിക്ക് ഏറ്റവും പ്രിയങ്കരമായ ഒരേ ഒരു നോവലും അതുതന്നെ... അല്ലെങ്കിൽ ഞാൻ മനസ്സറിഞ്ഞു വായിച്ചിട്ടുള്ള അത്യപൂർവം പുസ്തകങ്ങളിൽ ഒന്നാം സ്ഥാനത്തുള്ള പുസ്തകവും... ഇന്നെനിക്കറിയാം.. വളരെ വ്യക്തമായി.... മനസ്സിനെ മടുക്കാനനുവദിക്കാതെ കാത്തിരിക്കുന്നവരാണ് ഭാഗ്യം ചെയ്തവർ... കാരണം... യഥാർത്ഥത്തിൽ തികച്ചും വെറുതെ ജനിച്ചു മരിക്കുന്ന ഒരു ജീവിതത്തെ അർത്ഥതപൂര്ണമാക്കുന്നത് കാത്തിരിപ്പാണ്... പ്രതീക്ഷകളാണ്.. ഒട്ടേറെ പ്രതീക്ഷകളോടെ... ഇനിയും നാളെകളെ കാത്തിരിക്കുന്നു... നല്ലൊരു രാത്രി നേരുന്നു... സ്നേഹപൂർവ്വം സ്വന്തം സിമോണ.

ടി.... (ശരിക്കും നല്ല പേരാ... തമാശയല്ല... സീരിയസ്‌ലി...) താങ്ക്സ് എ ലോട്ട് പ്രിയ ടി... ഒരുപാട് സന്തോഷം ട്ടോ... എന്നാലും മറ്റു കഥകൾ ഒന്ന് വായിച്ചു നോക്കൂ... അല്ലെങ്കിൽ എത്രയോ നല്ല കഥകൾ ടി യ്ക്ക് മിസ്സാവും.. സത്യം.... സ്നേഹപൂർവ്വം സിമോണ.

"എല്ലാവരും പറയുന്ന പോലെ ‘തലമുറകളുടെ’ അന്തരം തന്നെ ആയിരിക്കാമല്ലേ…….??" പീക്കൂ... വേണ്ടാ... വേണ്ടാ.... ങ്‌ഹും!!!.... (ശ്...ശ്...) ഇതാ... ആദിമഭാഷ.... പദങ്ങൾക്ക് അർഥം കൽപ്പിച്ച് പദാർത്ഥങ്ങളെ ഉണ്ടാക്കി പിന്നെ അത് സത്യമെന്ന് വിശ്വസിപ്പിക്കും മുൻപ്... ആശയങ്ങളെ ശബ്ദരൂപത്തിൽ പരസ്പരം പങ്കുവെച്ചിരുന്ന ആദിമ ഭാഷ... ദീർഘമായ ഒരു മൗനത്തിനപ്പുറത്തേക്ക് പുറപ്പെടുവിക്കപ്പെട്ട ആദിശബ്ദം.. സ്ഫോടം... അതിന്റെ പരിഷ്കരിച്ച രൂപത്തിൽ.... (മിണ്ടല്ലേ... ട്ടാ...) ഒരുപക്ഷെ ആ തലമുറയിൽ മനുഷ്യർക്ക് മനസ്സടുപ്പം വളരെ കൂടുതലായിരുന്നു എന്നുവേണം മനസ്സിലാക്കാൻ... അല്ലെങ്കിൽ എങ്ങനെ??? ഇന്നത്തെ തലമുറ വിശ്വസിക്കാൻ പോലും പോണില്ല... (ഞാനടക്കം... ശ്യോ) സ്നേഹപൂർവ്വം സ്വന്തം സിമോണ.