ശ്യാമയും സുധിയും 3 [ഏകൻ]

20 ലക്ഷം രൂപ കൊടുത്തിട്ട് ആണ് ഈ ജോലി വാങ്ങിയത്. അത് തിരിച്ചു ശ്യാമ സുധിക്ക് കൊടുക്കാമെങ്കിൽ സുധി ഈ ജോലിയിൽ നിന്നും ഒഴിവാകാം എന്നാണ് പറഞ്ഞത്. "

" വേണ്ട സാർ 20 ലക്ഷം ഒന്നും വേണ്ട സാർ. "

സുധി അങ്ങനെ പറഞ്ഞപ്പോൾ ശ്യാമയ്ക്ക് ആശ്വാസം തോന്നി. സുധി വീണ്ടും തുടർന്നു.

" അതിൽനിന്നും ഒരു ലക്ഷം കുറക്കാം. ഒരു 19 ലക്ഷം തന്നാൽ മതി. ഞാനീ ജോലി വേണ്ടെന്നുവച്ചു പോയി കൊള്ളാം. ശ്യാമ നന്നായി ആലോചിച്ചു പറഞ്ഞാൽ മതി. " സുധി പറഞ്ഞു.

" ശരി.! 19 എങ്കിൽ 19

.. ശ്യാമ എന്ന് 19 ലക്ഷം സുധിക്ക് കൊടുക്കുന്നവോ. അന്നുമുതൽ ശ്യാമ ഇവിടുത്തെ പെർമനന്റ് സ്റ്റാഫ് ആകും." മാനേജർ സുന്ദരൻ പറഞ്ഞു.

" സർ, എനിക്ക് ശ്യാമയോട് കുറച്ച് തനിച്ച് സംസാരിക്കണം എന്നുണ്ടായിരുന്നു. ശ്യാമയെ കുറച്ചു സമയം എന്റെ കൂടെ അയക്കുന്നതിൽ സാറിന് വിരോധമുണ്ടോ..? "

സുധി ചോദിച്ചു.

"ഏയ്!!! എനിക്ക് എന്ത് വിരോധം. ശ്യാമക്ക് സമ്മതമാണെങ്കിൽ സംസാരിച്ചോളൂ. അതിന് പുറത്തു പോകണമെങ്കിൽ അങ്ങനെ. എനിക്ക് വിരോധം ഒന്നുമില്ല."

" എന്നാൽ ശരി സാർ. ശ്യാമയ്ക്കും വിരോധം ഉണ്ടാകില്ല എന്ന് കരുതുന്നു. "

അതും പറഞ്ഞ് സുധി പതിയെ എഴുന്നേറ്റു. ശ്യാമ വാങ്ങിക്കൊടുത്ത വാക്കിന് സ്റ്റിക്കും എടുത്ത് കുത്തി നടന്നു സുധി പുറത്തേക്ക് പോയി.

ശ്യാമ കുറച്ച് സമയം അവിടെത്തന്നെ ഇരുന്നു പോയി.

ശ്യാമ എഴുന്നേറ്റ് പോകാൻ നോക്കിയപ്പോൾ . മാനേജർ സുന്ദരൻ പറഞ്ഞു.

" അതെ ശ്യാമേ നല്ല കാശ് ഉള്ള വീട്ടിലെ കൊച്ച് ആണ് ആ സുധി. ശ്യാമയൊന്നു മയപ്പെട്ടൊക്കെ നിന്നാൽ ചിലപ്പോൾ ഇനിയും കാശ് കുറഞ്ഞേക്കും. "

" എന്റെ കയ്യിൽ എവിടുന്നാ സാറേ ഇത്രയും കാശ്. എന്റെ കാര്യമൊക്കെ സാറിന് അറിയാവുന്നതല്ലേ.? ഞാൻ എങ്ങനെ കാശ് കൊടുക്കാൻ ആണ്..? " ശ്യാമ ചോദിച്ചു

" അതിനല്ലേ നല്ലൊരു വഴി ഞാൻ പറഞ്ഞു തന്നത്. ഒന്നുകിൽ സുധിയോട് തഞ്ചത്തിനൊക്കെ നിൽക്കുക. തഞ്ചത്തിന് എന്ന് പറഞ്ഞാൽ ശ്യാമയ്ക്ക് മനസ്സിലാകുമല്ലോ..? അതും ഒരിക്കൽ വിവാഹം കഴിഞ്ഞു അയാളുടെ കൂടെ കുറച്ചു വർഷം കഴിഞ്ഞ ശ്യാമയ്ക്ക്. ചിലപ്പോൾ ഒരു കാശും വാങ്ങാതെ അയാൾ ഈ ജോലി വേണ്ടെന്നു വെച്ച് പോകും. അല്ലെങ്കിൽ ഞാൻ പറഞ്ഞ കാര്യത്തിന് ശ്യാമ തയ്യാറായാൽ എല്ലാ പ്രശ്നവും പരിഹരിക്കാം. "

" അത് രണ്ടും എന്നെക്കൊണ്ട് കഴിയില്ല സർ. എന്നെ അതിനൊന്നും കിട്ടില്ല. അങ്ങനെ തഞ്ചത്തിന് നിൽക്കാനോ... ഇനി ഒരാളുടെ മുന്നിൽ കഴുത്തു നീട്ടി കൊടുക്കാനോ എന്നെക്കൊണ്ട് ആവില്ല. എന്നെ കെട്ടിയ ആൾ എന്നെ വിട്ടു പോയെങ്കിലും. എന്റെ മനസ്സിൽ എന്നും അദ്ദേഹമാണ് എന്റെ